"Реал" ҳужумчиси Винисиус Жуниор Ла Лиганинг 13-турида "Осасуна" устидан қозонилган ғалаба (4:0) ҳақида фикр билдирди. Бразилиялик футболчи хет-трик қайд этди.

"Биз бугун жуда яхши ўйнадик, охирги ўйинларда буни қилмагандик. Лекин Милитао, Родриго ва Лукас учун ҳам хафаман. Бу мавсумда биз билан тез-тез содир бўлаётгани ачинарли. Умид қиламанки, биз улар учун кучли қоламиз ва улар имкон қадар тезроқ қайтишади.

Мен голлардан жуда хурсандман, аммо Милитао учун хафаман у буни яна бошдан кечиришига тўғри келади", - деди Винисиус матбуот анжуманида.

Ўйин давомида "Реал" Родриго, Лукас Васкес ва Эдер Милитаони жароҳат туфайли алмаштирди. Милитао яна хочсимон боғламларини жароҳатлади.