"Ливерпуль", "Тоттенхэм" ва "Арсенал" Франкфуртнинг "Айнтрахт" клубининг ёш швед ярим ҳимоячиси Хуго Ларссоннинг ўйинларини кузатиб боришмоқда. Бу ҳақда таниқли журналист Флориан Плеттенберг хабар бермоқда.
Премьер-лига ва бошқа Бундеслига клубларининг кучли қизиқишига қарамай, Ларссон Франкфуртда ўзини яхши ҳис қиляпти. Швециялик футболчи яқинда шартномасини 2029 йилгача узайтирди.
Хуго Ларссон 2023 йилда Франкфуртнинг “Айнтрахт” клубига ўтган эди. Футболчи Германия жамоаси сафида 53 та ўйин ўтказган. Уларда у бешта гол урди ва учта голли узатмани амалга оширди.
