Мадриднинг “Реал” клуби қишда Эймерик Ляпортни сотиб олмоқчи.
Relevo хабарига кўра, ҳимоядаги жароҳатлар билан боғлиқ вазият туфайли клуб қишки трансфер ойнасида таркибни кучайтириш зарурлигини тушуна бошлаган. Марказий ҳимоячи билан шартнома имзолаш устувор вазифа ҳисобланади.
"Реал Мадрид" директорлар кенгаши ва спорт раҳбарияти "Ан-Наср" футболчисининг номзодига катта урғу беради.
30 ёшли ҳимоячи ўзининг самарадорлиги, топ-турнирлардаги тажрибаси, жумладан, яқинда Евродаги иштироки, шунингдек, жамоа талаб қиладиган ўйин маҳорати ва Испания фуқаролиги учун клубда юқори баҳоланади.
Аммо трансфер қимматлиги, шунингдек, саудияликлар ҳимоячини қўйиб юборишни истамагани учун жуда қийин бўлиши кутилмоқда.
