Амстердамда исроилликларга қилинган ҳужум ортидан синагогалар ва бошқа жойларда хавфсизлик чоралари кучайтирилди.
Нидерландия пойтахтида Европа лигаси доирасидаги “Аякс” ҳамда Тел-Авивнинг “Маккаби” жамоалари ўртасидаги учрашувдан (5:0) сўнг, клубнинг исроиллик мухлисларига ҳужум уюштирилди.
Ҳодисадан сўнг фавқулодда чоралар кўрилган ва кўчаларда полиция навбатчилик қилишни бошлаган.
Ўшанда Исроил ҳукумати футбол мухлисларига меҳмонхоналарини тарк этмасликни тавсия қилган эди.
Шаҳар мэри Фемке Халсеманинг баёнотига кўра, шаҳарда якшанба кунига қадар норозилик намойишлари ўтказишга тақиқ эълон қилинган.
Sky маълумотларига кўра, яҳудий бинолари, хусусан, синагогалар қўшимча ҳимоя билан таъминланган.
