Amsterdamda isroilliklarga qilingan hujum ortidan sinagogalar va boshqa joylarda xavfsizlik choralari kuchaytirildi.

Niderlandiya poytaxtida Yevropa ligasi doirasidagi “Ayaks” hamda Tel-Avivning “Makkabi” jamoalari o‘rtasidagi uchrashuvdan (5:0) so‘ng, klubning isroillik muxlislariga hujum uyushtirildi.

Hodisadan so‘ng favqulodda choralar ko‘rilgan va ko‘chalarda polisiya navbatchilik qilishni boshlagan.

O‘shanda Isroil hukumati futbol muxlislariga mehmonxonalarini tark etmaslikni tavsiya qilgan edi.

Shahar meri Femke Xalsemaning bayonotiga ko‘ra, shaharda yakshanba kuniga qadar norozilik namoyishlari o‘tkazishga taqiq e’lon qilingan.

Sky ma’lumotlariga ko‘ra, yahudiy binolari, xususan, sinagogalar qo‘shimcha himoya bilan ta’minlangan.