"Манчестер Сити" бош мураббийи Пеп Гвардиола жамоадаги муаммолар ҳақида фикр билдирди.
"Шаҳарликлар" барча мусобақаларда қаторасига тўртта ўйинда мағлуб бўлишди. Бу испаниялик мураббий қўл остида биринчи марта содир бўлди. АПЛнинг сўнгги икки турида амалдаги чемпионлар “Брайтон” ва “Борнмут”га бир хил 1:2 ҳисобида имкониятни бой беришди.
"Биз "Борнмут" ва "Брайтон" каби жамоаларга қарши ўйнаб, кетма-кет тўртта чемпионликни қўлга киритдик, етти йил ичида олтита чемпионликни қўлга киритдик. Яна ғалаба қозонганимизда ажойиб бўлади!", – деди мураббий.
