“Манчестер Юнайтед” дарвозабони Андре Онана гол ўтказиб юбормаган учрашувлар бўйича АПЛда пешқадамлик қилмоқда. Якшанба куни “қизил иблислар” ўз майдонида “Лестер”ни мағлуб этиб, дарвозаси дахлсизлигини сақлаб қолди (3:0).

Онана учун бу жорий чемпионатдаги бешинчи голсиз ўйин бўлди. Бу Премер-лиганинг барча дарвозабонлари орасида энг яхши кўрсаткич. Рейтингда иккинчи ўринни “Ноттингем Форест” вакили Матц Селс эгаллаб турибди. У тўртта ўйинида тўп ўтказмаган, учинчи ўринни Дэвид Райя (“Арсенал”, Алиссон Бекер (“Ливерпуль”), Ник Поуп (“Ньюкасл”) ва Жордан Пикфорд (“Эвертон”) бўлишди.

"Манчестер Юнайтед" турнир жадвалида 13-ўринда бормоқда. 11 турдан сўнг жамоа 15 очко жамғариб, ўз дарвозасидан 12 та гол ўтказиб юборди.