“Manchester Yunayted” darvozaboni Andre Onana gol o‘tkazib yubormagan uchrashuvlar bo‘yicha APLda peshqadamlik qilmoqda. Yakshanba kuni “qizil iblislar” o‘z maydonida “Lester”ni mag‘lub etib, darvozasi daxlsizligini saqlab qoldi (3:0).

Onana uchun bu joriy chempionatdagi beshinchi golsiz o‘yin bo‘ldi. Bu Premer-liganing barcha darvozabonlari orasida eng yaxshi ko‘rsatkich. Reytingda ikkinchi o‘rinni “Nottingem Forest” vakili Mats Sels egallab turibdi. U to‘rtta o‘yinida to‘p o‘tkazmagan, uchinchi o‘rinni Devid Rayya (“Arsenal”, Alisson Beker (“Liverpul”), Nik Poup (“Nyukasl”) va Jordan Pikford (“Everton”) bo‘lishdi.

"Manchester Yunayted" turnir jadvalida 13-o‘rinda bormoqda. 11 turdan so‘ng jamoa 15 ochko jamg‘arib, o‘z darvozasidan 12 ta gol o‘tkazib yubordi.