Каталониянинг «Барселона» клуби Бразилиянинг «Сантос» клуби ҳужумчиси Неймарнинг трансфери борасида музокараларни тезлаштирди. Бу ҳақда «Marca» нашри хабар тарқатди.
Бунга «Реал»нинг футболчи учун 100 миллиондан ортиқроқ маблағ тўлашга тайёр экани сабаб бўлган. «Барселона» вакилларидан бири Рауль Санльехи ҳозирда Бразилияда бўлиб турибди ва яқин кунларда трансфер масаласида сўнгги келишувни имзолаши кутилмоқда.
Қўшимча қилиш жоиз, «Барселона» президенти Сандро Россел «Сантос» вице-президенти Одильо Родригес билан жума куни учрашиб музокаранинг навбатдаги босқичини ўтказади.













