«Реал» ҳимоячиси Ферлан Менди ноябрь ойи учун Франция терма жамоасига чақирилмади. "L'Equipe"нинг ёзишича, 29 ёшли футболчи терма жамоага боришни истамайди. Менди Европа чемпионатида бирор марта ҳам майдонга тушмаганидан ҳафсаласи пир бўлди.
Эслатиб ўтамиз, Ферлан Менди Франция терма жамоасининг бор-йўғи ўнта ўйинида иштирок этган. Ҳимоячи охирги марта июнь ойида Евро-2024га таёргарлик доирасида Канадага қарши ўртоқлик ўйинида «Уч ранглилар» сафида ўйнаган.
Бу ойда Франция терма жамоаси Миллатлар лигаси доирасида Исроил (14 ноябрь) ва Италияга (17 ноябрь) қарши ўйин ўтказади.
