Поль Погба фаолиятини қаерда давом эттириши мумкинлиги маълум бўлди.
Эслатиб ўтамиз, ярим ҳимоячи антидопинг қоидаларини бузгани учун CASда 4 йиллик дисквалификацияга муваффақиятли қарши чиқди - суд қоидабузарликни тан олди, аммо дисквалификация муддатини 18 ойга қисқартирди. Хабар қилинишича, "Ювентус" ва Погба шартномани бекор қилишга яқин турибди. Кейинроқ футболчи клубни тарк этиш ниятида эмаслигини маълум қилди.
Sky Sports нашрининг ёзишича, шартномани бекор қилиш бўйича музокаралар ҳақиқатан ҳам давом этмоқда ва улар илғор босқичда. Франциялик футболчига Англия, бошқа Европа давлатлари, Саудия Арабистони ва МЛС клублари қизиқиш билдирмоқда.
Погба 2025 йилнинг март ойида майдонга қайтиши мумкин.
