Бразилияда Пеп Гвардиола билан музокаралар ҳақидаги миш-мишлар рад этилди.
Аввалроқ Бразилия футбол конфедерацияси (CBF) вакиллари Гвардиоланинг бош мураббий лавозимига таклиф этилишидан манфаатдор экани ва бу йил унга бир неча бор қўнғироқ қилгани хабар қилинганди.
ESPN маълумотларига кўра, бу маълумот ҳақиқатга тўғри келмайди. Таъкидланишича, CBF ҳозирги бош мураббий Доривал Жуниор билан шартнома имзолашдан олдин ҳам Гвардиоланинг тайинланишидан манфаатдор бўлган. Испаниялик мутахассис билан сўнгги мулоқот 2022 йилда бўлиб ўтган.
Ташкилот президенти Эдналдо Родригес ҳам яқинда бўлиб ўтган музокаралар ҳақидаги маълумотларни рад этади.
"У дунёнинг энг буюк мураббийларидан бири бўлишига қарамай, CBF у билан ҳеч қандай алоқада бўлмаган. Биз Доривала Жуниорнинг мураббийлар штаби билан ҳамкорлик қиляпмиз ва бундан мамнунмиз.
Ҳа (Доривал жамоа бошида қолади). Гап шундаки, унинг шартномаси 2026 йилгача, у жаҳон чемпионатигача амал қилади... Ҳаммаси унга боғлиқ," - деди Родригес.
