"Галатасарой" дарвозабони ва сардори Фернандо Муслера "Фенербаҳче" бош мураббийи Жозе Моуриньонинг Туркия футболи ҳақидаги сўзларини танқид қилди.

"У турк футболига нисбатан қилаётган ҳақоратлари ва баъзи ҳакамларга ҳужум қилгани мени хавотирга солмоқда. 14 йил ичида биринчи марта бундай гапни айтишим кераклигини ҳис қилдим. Мен 14 йил ичида 17 та совринни ютдим. Мен қўшган ҳиссамни ҳисобга олган ҳолда, Туркия футболини ривожлантириш доимий мақсадимдир. Тўрт ой олдин бу ерга келган Моуриньо Туркия футболини танқид қилса, унга ёқмаса, кетиши мумкин. Ваҳоланки, ҳеч ким ҳеч нарса демайди. Ўйлайманки, энди кимдир унга нимадир дея олади. Биз турк футболини тарғиб қилаётганларга бироз кўпроқ эътибор беришимиз керак," - деди Муслера.