"Манчестер Сити" футбол клуби бош мураббийи Пеп Гвардиола яна бир мавсум жамоада қолиши мумкин, дея хабар бермоқда журналист Маттео Моретто ижтимоий тармоқларда.
Манбанинг хабарига кўра, келаси ҳафта Гвардиола инглиз жамоаси раҳбарияти билан учрашиб, шартномани мавсум учун узайтириш масаласини муҳокама қилади, чунки «шаҳарликлар» раҳбарлари мураббийни ўзида сақлаб қолмоқчи.
«Манчестер Сити» 2024/2025 йилги мавсумда Англия Премьер-лигаси турнир жадвалида иккинчи ўринда бормоқда. Жамоа 11 учрашувда 23 очко жамғарган. Биринчи ўринда "Ливерпуль" (28) кетмоқда.
Гвардиоланинг «Манчестер Сити» билан шартномаси 2025 йилнинг ёзида якунига етади. Аввалроқ испаниялик мураббий Бразилия терма жамоасини бошқариши мумкинлиги ҳақида хабар берилганди.
