Шу ҳафтада рингга қайтадиган профессионал бокс афсонаси Майк Тайсон блогер Жейк Пол билан жанги учун йигирма миллион доллар кафолатланган гонорар олади, унинг рақиби эса бундан икки баравар кўп пул олади, деб хабар бермоқда “Fighttime” сайти.
Майк Тайсон ва Жейк Пол ўртасидаги ҳар бири икки дақиқадан саккиз раундга мўлжалланган бокс жанги профессионал мақомга эга ва 15 ноябрь куни АҚШнинг Техас штати, Арлингтон шаҳрида бўлиб ўтади. Ушбу қарама-қаршилик Netflix стриминг платформаси орқали трансляция қилади.
Шу йилнинг июль ойида 27 ёшли Жейк Пол собиқ UFC жангчиси Майк Перрини олтинчи раундда нокаутга учратиб, профессионал рингдаги ўнинчи ғалабасини қўлга киритган эди.
58 ёшли Майк Тайсон ўн беш йиллик танаффусдан сўнг 2020 йилнинг ноябрь ойида 54 ёшли кичик Рой Жонсга қарши кўргазмали бокс жангини ўтказиб, дуранг қайд этди.
