«Ливерпуль» вингер Муҳаммад Салоҳ билан 2025 йилнинг ёзида тугайдиган шартномани узайтириш борасида музокаралар олиб бормоқда.
Журналист Флориан Плеттенбергнинг сўзларига кўра, томонлар ҳалигача келишувга эриша олишмаяпти. Айни пайтда Салоҳга Саудия Арабистонидан ҳам, Европадан ҳам катта таклифлар бор.
Муҳаммад «Рома»дан 42 миллион евро эвазига кўчиб ўтганидан сўнг, 2017 йилнинг ёзидан буён мерсисайдликлар сафида тўп тепмоқда. Салоҳ инглиз клуби билан 8 та соврин ютган.
Жорий мавсумда у клуб сафида 17 та ўйинда майдонга тушиб, 10 та гол урди ва 10 та голли узатмани амалга оширди.
