"Барселона" спорт директори Декунинг фикрича, ярим ҳимоячи Педри клуб билан янги шартнома имзолайди.

21 ёшли футболчининг амалдаги шартномаси келаси мавсум охирида якунига етади. Бир неча ой олдин "кўк-анорранглилар" раҳбарияти испаниялик билан шартномани узайтиришни муҳокама қилаётгани ҳақида хабарлар пайдо бўлганди.

"Асосий нуқта – футболчининг хоҳиши. Футболчиларга нима керак? Рақобатбардош жамоа, совринлар, яхши шартнома. Шундан келиб чиқиб, Педри "Барселона" билан шартномасини узайтиради, деб ўйлайман. У клубда тарих ёзмоқчи. У бу ерда эркин, хурсанд ва совринлар ютиш учун интилади. У жароҳатлар туфайли кўп йиллик азоб-уқубатлардан сўнг ўзининг энг яхши формасига қайтди", - деди Деку испан ОАВларига.