"Манчестер Юнайтед" ҳужумчиси Жошуа Зиркзее А Серияга қайтиши мумкин.
23 ёшли футболчи "қизил иблислар" сафида 17 та ўйинда майдонга тушиб, атиги 1 та гол ва 2 та голли узатмани амалга оширгани учун танқид остига олинди. TuttoSport хабарига кўра, "Ювентус" январь ойида Зиркзеени сотиб олишга ҳаракат қилиши мумкин. Нидерландиялик футболчини Тиаго Мотта Душан Влаховичга муносиб ўринбосар деб билади.
"Манчестер Юнайтед" Зиркзеени июль ойида "Болонья"дан 42,5 миллион евро эвазига сотиб олганди. Футболчининг инглиз гранди билан шартномаси 2029 йилгача мўлжалланган.
