«Централ Партнершип» кинокомпанияси ХХ асрнинг энг яхши дарвозабони Лев Яшиннинг ҳаёти ҳақидаги фильмни эълон қилди. Хабар қилинишича, фильм «Улар Ватан учун ўйнашган» номи остида оммага намойиш этилади. Картина режиссёри Карен Оганесян. Бош ролни эса Максим Матвеев ижро этган.

«Охирги икки йил давомида афсонавий дарвозабон ҳақида фильм олиш режасини туздик ва май ойининг бошида Лев Яшин ҳақидаги илк фильмни суратга олдик. «17-рақамли афсона»* фильмининг муваффақияти бизни ўз даврида ватан учун хизмат қилган афсоналар ҳақида фильм олишга ундайди. Мухлислар бундан ижод намуналарини кутишади.

Картинанинг намойиш вақти ва унинг бюджети ҳали ошкор қилинганича йўқ. Яқиндаа Владимир Путин ҳам Яшин ҳақидаги фильмни мухлислар талаб қилишади деган эди»,- дейди кинокомпания президенти Армен Девитян.

Эслатиб ўтамиз, Лев яшин собиқ Иттифоқ терма жамоаси ва Москванинг «Динамо» клубларида тўп тепган. У футбол тарихида «Олтин тўп»ни қўлга киритган ягона дарвозабон ҳисобланади.