Премьер-лиганинг собиқ ҳаками Питер Уолтон Юрген Клопп ҳақида гапирди. 

Аввалроқ, ҳакам Дэвид Кут немис мураббийини "аҳмоқ" деб атаган видео чоп этилган эди.

“Ҳакамларда Юрген Клопп билан муаммо борми? Мен фақат ўз фикрларимни билдира оламан.

У ҳакамларга нисбатан ўзини тутиши билан бир неча бор Англия футбол уюшмаси эътиборини тортган ва буни ҳар бир мураббий ҳақида айтиб бўлмайди. У муомала қилиш энг қийин мураббийлардан бири бўлиб туюлади.

Аммо айнан шундай одамларга нисбатан сиз аввало хотиржам бўлишингиз керак. 

Мураббийлар кўпинча мағлубиятдан сўнг дарҳол ҳакамларга ҳужум қилишади, бироқ бу яхши эмас, лекин ҳакам сифатида нима учун бундай бўлаётганини тушунасиз", - деди Питер Уолтон.