Қитъалараро кубок финали ЖЧ-2022 финалига мезбонлик қилган стадионда бўлиб ўтади.

Турнирнинг ҳал қилувчи учта ўйини жорий йилнинг 11-18 декабрь кунлари Қатарда бўлиб ўтади.

Мексиканинг «Пачука» жамоаси 11 декабрь куни «974» стадионида Либертадорес кубоги ғолиби «Ботафого» ёки «Атлетико Минейро»га қарши баҳс олиб боради. Бу жуфтлик ғолиби уч кундан кейин Мисрнинг «Ал-Аҳли» жамоасига қарши баҳс олиб боради.

Финал 18 декабрь куни «Лусаил» стадионида бўлиб ўтади. Ундаги ўринлардан бири «Реал»га Чемпионлар лигаси ғолиби сифатида аллақачон кафолатланган.

Эслатиб ўтамиз, ЖЧ-2022 финал учрашуви «Лусаил»да бўлиб ўтди. Ўшанда Аргентина терма жамоаси Франция терма жамоасини мағлуб этди (3:3, пен. 4:2).