Ўзбекистон олимпия терма жамоаси собиқ бош мураббийи Тимур Кападзе Sport24 мухбирига берган интервьюсида “Рома” ҳужумчиси Элдор Шомуродов ҳақида фикр билдирди.
— Аббос Файзуллаев ҳам Элдорнинг йўлидан борадими?
— Россияда Аббос Элдорга қараганда тезроқ мослашди. Шомуродов мамлакатга, чемпионатга энди кўниккан вақтида Италияга йўл олган эди.
— Аммо у ерда ишлар яхши кетмади?
— Элдор ҳақиқатдан ҳам яхшироқ иш қилиши мумкин эди, лекин ҳали ҳам салоҳият бор. Балки у нотўғри жамоага тушиб қолган, Моуриньонинг услуби таъсир қилиши мумкин эди. Италияда тактик жиҳатлар кўп. Элдор Испания ёки Германияга тўғри келган бўларди.
— Россия клублари вақти-вақти билан Шомуродовга қизиқиш билдиришмоқда. Элдор бу вариантни кўриб чиқиши керакми?
— Баъзан икки қадам олдинга бориш учун бир қадам орқага қайтишга арзийди. Италияда захирада ўтиргандан кўра, Россияда ўйнаган маъқул", дейди Кападзе.
