«Бавария» ҳимоячиси Альфонсо Дэвис трансферидан сўнг «Реал Мадрид»нинг келажакдаги режалари ҳақида маълумот пайдо бўлди.

Аввалроқ, «қаймоқранглилар» аллақачон 24 ёшли канадаликнинг трансфери ҳақида келишиб олгани хабар қилинганди.

Журналист Хосе Феликс Диаснинг таъкидлашича, агар Дэвис шартнома имзолайдиган бўлса, «Реал» чап қанот ҳимоячиларидан бири билан ажрашишга мажбур бўлади. Гап Ферлан Менди ва Фран Гарсия ҳақида кетяпти.

Жорий мавсумда 29 ёшли Менди барча турнирларда 14 та ўйинда қатнашиб, бирорта ҳам самарали ҳаракат қайд этмаган.

25 ёшли Гарсия «Реал» сафида бу мавсум 12 марта майдонга тушди.