"Манчестер Юнайтед"нинг собиқ ҳужумчиси ва мураббийи Руд ван Нистелрой "Манчестер Юнайтед"ни тарк этганидан сўнг тушкун кайфиятда, деб хабар беради Руднинг яқин дўсти Андре Ойер.
"Руд ёрдамчи сифатида қолмоқчи эди. Агар у Аморим билан ишлашга қизиқмаса, буни айтган бўларди. У бошқа жамоани бошқариш имкониятига эга эди, лекин у ўзининг севимли клубида ишлашни хоҳлагани учун уларни рад этди.
Руд билан “Манчестер Юнайтед” жуда яхши ўйнаганини унутманг: “Челси” билан дуранг ва бошқа ўйинларда учта ғалаба. Айтиш мумкинки, мухлислар уни жуда яхши кўришади. У қийин шароитларда жуда яхши ўйнади. Мураббий сифатида енгилмас бўлиб қолди", - деди Ойер.
