Лондоннинг «Челси» клуби ходимларига жамоа бош мураббийи ўрнига португалиялик Жозе Моуриньо қайтиши ҳақида хабар қилишди. Бу ҳақда Франциянинг L’Equipe нашри хабар бермоқда. Айни вақтда, Моуриньо жамоа ҳаётининг барча жиҳатларига жавоб бермайди, ўз вазифаларини «Челси» техник директори Майкл Эменало билан бўлишиб олади (у трансферлар учун жавоб беради).

50 ёшли Моуриньо айни вақтда Мадриднинг «Реал» жамоасига устозлик қилмоқда. ОАВ маълумотларига кўра, у ўйинчилар билан келиша олмай қолгани сабаб, 2012/13 йилги мавсум якунига кўра мураббийлик ўрнини тарк этади.

Моуриньо 2004-2007 йилларда ҳам «Челси»да ишлаган. Португалиялик мутахассис Лондон клуби билан икки марта Англия чемпионатида, бир марта мамлакат Кубогида ғолиб чиққан.

Ҳозирги кунда испаниялик Рафаэль Бенитес «Челси» бош мураббийи ҳисобланади. У 2012 йил декабрида жамоани қабул қилиб олган эди. Унинг шартномаси 2012/13 йилги мавсум охиригача мўлжалланган ва, ОАВ маълумотларига кўра, узайтирилмайди.

Англия чемпионатининг 2012/13 йиллар мавсумида, мусобақа якунланишига бир тур қолганида лондонликлар жадвалда 3-ўринни эгаллаб туришибди. Лондонликлар ҳисобида 37 учрашувдан сўнг 72 очко бор. «Челси» мусобақа жадвалида учинчи ўриндан юқорига кўтарила олмайди.