Рафаэль ван дер Варт Венгрияга гол урганидан кейин Ваут Вегхорстнинг хатти-ҳаракатларини қоралади.

Шанба куни бўлиб ўтган Миллатлар лигасининг 5-тур учрашувида Нидерландия терма жамоаси Венгрияни 4:0 ҳисобида мағлуб этди. Учрашувнинг 21-дақиқасида Вегхорст пенальтидан ҳисобни очди.

Биринчи бўлим бошида Венгрия терма жамоаси бош мураббийи ёрдамчиси Адам Салаи касал бўлиб қолганидан сўнг ўйин 10 дақиқадан кўпроқ вақтга тўхтатилди - уни замбилда майдондан олиб чиқиб кетишди ва касалхонага олиб кетишди.

"Вегхорстни голни нишонлаётганини кўрганимда, ўзимни ёмон ҳис қилдим. У тушуниши керак эдики, Венгрия терма жамоаси футболчилари учрашувни давом эттирмаслик ва кийим алмаштириш хонасига бормаслик ҳуқуқига эга эди. Лекин бунинг ўрнига улар майдонда маслаҳатлашиб, ўйинни давом эттиришга қарор қилишди. Бу катта ҳурматга лойиқ, чунки ўша пайтда уларнинг ҳеч бири вазият қандайлигини билмас эди.

Улар давом этишга қарор қилишди, Нидерландия пенальти ишлаб олди, кейин Вегхорст жаҳон чемпионати финалида ғалаба голини ургандек байрам қила бошлади. У ўзини ушлаб туриши керак эди", - деди Нидерландиянинг собиқ ярим ҳимоячиси.