"Тоттенхэм" клуби қанот ярим ҳимоячиси Уилсон Одобер сонини операция қилганини эълон қилди.
Ўтган ёзда "Бёрнли"дан Одоберни сотиб олиш учун "Тоттенхэм" 30 миллион фунт стерлинг сарфлаган, бироқ Уилсон АПЛда Анж Постекоглу жамоасида атиги 162 дақиқа ўйнаган.
Одобернинг футбол майдонидаги сўнгги кўриниши октябрь ойида АЗга қарши Европа Лигаси ўйинининг сўнгги икки дақиқаси бўлди, ўшанда 19 ёшли франциялик футболчи ўзини нохуш ҳис қилган.
Якунда "Тоттенхэм" тиббий ходимлари Одобернинг сон мушакларидаги муаммоларнинг энг яхши ечими жарроҳлик амалиёти деб қарор қилишди ва "шпорлар" бугун Уилсон кеча операция қилинганини эълон қилди.
