Германия терма жамоаси сардори Жошуа Киммих Венгрияга қарши ўйинда майдонга тушиши даргумон.
"Бавария" футболчиси яқинда Босния ва Герцеговинага қарши ўйинда (7:0) алмаштирилди, аммо бу фақат эҳтиёт чораси экани маълум бўлди. Kicker маълумотларига кўра, Киммих жароҳат олмаган, аммо Венгрия билан яқин орада бўладиган ўйинда иштирок этмаса керак. Юлиан Нагельсманн "Бавария"даги фаолиятини инобатга олган ҳолда, универсал хавбекни дам олдириш ниятида. Бундан ташқари, бош мураббий Бенжамин Хенриксга ўзини кўрсатиш имкониятини беришни режалаштирмоқда.
Венгрия ва Германия терма жамоалари ўртасидаги ўйин сешанба куни бўлиб ўтади. Германия терма жамоаси аллақачон Миллатлар лигаси гуруҳида биринчи ўринни қўлга киритган эди.
