Лондоннинг "Арсенал" клуби "Пари Сен-Жермен"да фаолият юритувчи Луиш Кампушни нишонга олди.
Ой бошида "канонирлар" аввал спорт директори лавозимида ишлаган Эду Гаспар билан хайрлашди. Журналист Робин Бэйрнернинг хабар беришича, "ПСЖ"нинг амалдаги спорт маслаҳатчиси Кампуш ушбу лавозимни эгаллаши мумкин. Лондон клуби аллақачон машҳур португалиялик функционерга мурожаат қилган.
Луиш Кампушнинг парижликлар билан шартномаси 2025 йилнинг ёзига қадар мўлжалланган, бироқ француз клуби шартномани узайтирмоқчи. Томонлар ўртасида келгусидаги ҳамкорлик шартлари бўйича музокаралар давом этмоқда.
