Николо Фаджоли қимор ўйинларига қарамликни қандай ривожлантиргани ҳақида гапириб берди.

"Ювентус" ярим ҳимоячиси ўтган йилнинг октябрь ойида футбол ўйинларига пул тикгани учун 7 ойга дисквалификация қилинган эди. 

"Мен U-23да бўлганимда катта пул тикишни бошладим. Кейин одатдагидан кўпроқ пул тика бошладим.

Ҳақиқат шуки, мен буни катта пуллар ортидан қилмаганман. Менга улар керак эмас эди. Мен адреналин учун пул тикдим ва бу асосий муаммо эди. Энг ёмон кунларимда мен 12 ёки 13 соатни телефоним экранига қараб ўтказишим мумкин эди. Шунчаки нима бўлаётганини тушунмадим.

Мен ўзимни худди шу пуфакчага ёпишиб қолгандек ҳис қилдим ва ундан ташқарида ҳеч нарсани сезмадим", - дейди ярим ҳимоячи.