"Ливерпуль" сардори Виржил ван Дейк Нидерландия терма жамоасини эрта тарк этиб, клубига қайтди.
Ўтган шанба куни ўз терма жамоаси сардори бўлган Ван Дейк Нидерландияга Миллатлар лигасида Венгрияни 4:0 ҳисобида мағлуб этишга ёрдам берди.
Бу ғалаба Нидерландиянинг "С" гуруҳида иккинчи ўринни эгаллашини, шунингдек, март ойига режалаштирилган Миллатлар лигаси плей-офф босқичида иштирок этишини кафолатлади.
Шуни ҳисобга олган ҳолда нидерландиялик мураббий Рональд Куман ван Дейкка сешанба куни Босния ва Герцеговинага қарши ўйинда қолмасликка рухсат берди.
Куман 33 ёшли ҳимоячидан ташқари "Барселона" ярим ҳимоячиси Френки Де Йонгни ҳам муддатидан аввал қўйиб юборди.
"Бу қарор тиббий сабабларга кўра - футболчиларнинг манфаатларини ҳисобга олган ҳолда қабул қилинди", - деди Куман BBC билан суҳбатда.
