"Даллас Маверикс" жамоаси баскетболчиси Лука Дончич "Реал Мадрид"нинг жорий мавсумдаги натижалари ҳақида гапирди. Дончичнинг фикрича, юлдуз ҳужумчи Килиан Мбаппе Мадрид жамоасига мослашиши учун вақт керак.
"Очиғи, "Реал" учун мавсум яхшироқ ўтиши мумкин эди. Лекин биласизми, Мбаппедек йигитга кўникиш учун бироз вақт керак бўлади. Улар буни ҳал қилишади", - деди Дончич.
"Реал Мадрид" айни дамда Испания чемпионати турнир жадвалида иккинчи ўринда бормоқда. Карло Анчелотти шогирдлари битта ўйин кам ўтказган ҳолда "Барселона"дан 6 очко ортда қолмоқда.
