Душан Влахович шу қишда сотилиши мумкин.
La Gazette dello Sport нашрининг хабар беришича, "Ювентус" ҳужумчи билан бир ярим йилдан кейин тугайдиган шартномани декабрь ойи охиригача узайтирмоқчи.
Клуб ҳаттоки янги шартнома 2027-йилгача давом этишига рози.
Қайд этилишича, “бьянконерилар” Влахович учун йилига 35 миллион евро сарфлайди. Шартномада содиқлик учун бонуслар ҳам мавжуд: жорий мавсум охирида форвардга 10,5 миллион, кейинги мавсум охирида эса 12 миллион мукофот берилади.
Шунингдек, футболчи ҳалигача янги бош мураббий Тьяго Мотта билан яхши муносабатлар ўрната олмагани қайд этилган.
Агар “Ювентус” сербиялик футболчи учун қишда яхши таклиф олса, уни қабул қилиши мумкин. Шу билан бирга, Влаховичга муносиб ўринбосар топиш керак бўлади.
