GivemeSport экспертлари тарихдаги энг буюк жамоалар рейтингини тузиб чиқди.

Ушбу рейтингни шакллантиришда қуйидаги меъзонлар ҳисобга олинди: унвонлар сони, футболга таъсири, умумий сифат ва узоқ вақт устунлик қилиш.

2008-2012 йиллардаги Испания терма жамоаси биринчи ўринни эгаллади. Бу даврда "қизил фурия" учта йирик турнирнинг барчасида - иккита Европа чемпионати ва битта жаҳон чемпионатида ғолиб чиқди. 1994-2002 йиллардаги Бразилия терма жамоаси иккинчи ўринда. Бу даврда жамоа икки марта жаҳон чемпиони (1994, 2002), жаҳон чемпионатида иккинчи ўринни эгаллаган (1998) ва икки марта Америка кубогини (1997, 1999) қўлга киритган.

Кучли учликни 1950-1956 йиллардаги Венгрия терма жамоаси якунлаган. Бу даврда ушбу жамоа Олимпия олтинини қўлга киритди (1952) ва жаҳон чемпионати финалига чиқди (1954).