«Реал» устози Жозе Моуриньо Испания кубоги финалидаги «Атлетико»га қарши ўйин ҳақида фикр билдирар экан, мавсум якунлари ҳақида ҳам тўхталиб ўтди.
«Атлетико» ғалабага муносиб эмасди, лекин улар ғалаба қозонишди. Шунинг учун уларни табриклайман.
Мен шунча йиллик профессиоанал фаолиятим давомида ҳар доим фантастик мавсум ўтказган мураббийни кўрмаганман. Бу — фаолиятимдаги энг ёмон мавсум бўлди. Мен ва «Реал»дай клуб учун бир йилда битта соврин бу кам.
Мавсум омадсиз бўлди. Биз чемпионлар лигасининг ярим финалигача етиб бордик, Испания кубогининг финалига чиқдик ва чемпионатда иккинчи ўринни эгалладик. Матбуот менинг ўрнимга бошқа мураббийни қўйганида, бу мен учун нормал натижа. Жуда кўп мураббийлар учун бу яхши натижа бўлиши мумкин, лекин мен учун эмас.
Менинг шартномамда яна уч йил «Реал»да қолишим белгиланган, лекин президент билан ҳали келажагим ҳақида гаплашмадим. Менинг «Челси» ва бошқа жамоаларга ўтишим ҳақида гапиришмоқда. Лекин мен тўғрисини айтаман. Биз президент билан бир пиёла чой устида суҳбатлашамиз ва шундагина клуб менинг келажагимни ҳал қилади»,- дейди мураббий.