Роберт Левандовски Испанияда камида 38 ёшга тўлгунича ўйнамоқчи.
Diario Sport хабарига кўра, ҳужумчи "Барселона" ва Каталонияда ўзини ажойиб ҳис қилмоқда ва шартномани узайтиришга қарор қилган.
Амалдаги келишув 2025 йилгача мўлжалланган, бироқ польяк ўйинларнинг 50 фоизида иштирок этса, уни яна бир йилга узайтириш варианти фаоллашади.
Айтишларича, Левандовски кўпроқ нарсани хоҳлайди. У 2027 йилгача шартнома тузмоқчи.
Клуб Робертдан, унинг ёш жамоага таъсиридан, шунингдек, ҳозирча асосий жамоа даражасида марказий ҳужумчи излашни кечиктириш имконияти борлигидан мамнун.
Жорий мавсумда август ойида 36 ёшга тўлган футболчи Ла Лиганинг 13 та ўйинида 14 та гол урди - бу ҳаммадан кўп.
