"Реал Мадрид" футболчиси Федерико Вальверде клубга мослашиши қандай кечганини эслади. Ярим ҳимоячи "Лос-Бланкос" сафига 2016 йилда "Пеньярол"дан кўчиб ўтган. Ўшанда футболчи эндигина 18 ёшга тўлган эди.
"Реал Мадрид"га биринчи келганимда Каземиро мени қўллаб-қувватлаган. Унга кўрсатма бериш ёки кимнидир тузатиш учун майдонда бақириш керак эмас эди. У дўстона муносабатда бўлган ва ҳар доим конструктив тарзда танқид қилар эди", — деди Вальверде.
Каземиро 2022 йил август ойида “Реал Мадрид”ни тарк этиб, “Манчестер Юнайтед”га ўтди ва шу кунгача унинг таркибида ўйнамоқда.
