“Ювентус” ва “ПСЖ” клублари ҳалигача Милан Шкриньярнинг трансфери борасида келишиб олишмаган. Словакиялик футболчи Луис Энрике жамоасида катта талабга эга эмас, шунинг учун у январда ўз ҳолатини ўзгартириши мумкин. "Ювентус" 29 ёшли футболчига қизиқиш билдирган ва уни ижарага олмоқчи.

SportMediaset хабарига кўра, "ПСЖ" Шкриньярнинг тўлиқ трансферини талаб қилмоқда. Қолаверса, парижлик грандлар марказий ҳимоячини ўрнига ўринбосар топмагунча қўйиб юбориш ниятида эмас.

Милан Шкриньяр бу мавсумда "ПСЖ" сафида бор йўғи тўртта ўйин ўтказди. Transfermarkt маълумотларига кўра, "Интер"нинг собиқ юлдузининг ҳозирги нархи 20 миллион еврони ташкил қилади.