"Манчестер Юнайтед" ва Франция терма жамоасининг собиқ футболчиси Луи Саа ўзининг "Манчестер Юнайтед"даги собиқ жамоадоши Криштиану Роналду "қизил иблислар" билан яна бирлашиши мумкинлиги ҳақида фикр билдирди.
"Ўйлайманки, Криштиану жамоада муносиб ўринга эга бўлса, клубга қайтишдан хурсанд бўларди. У етарлича ёмон шароитда кетди, клуб раҳбарияти уни қайтаришни истамаслиги мумкин, аммо “Манчестер Юнайтед” футболчилари ва мухлислари Роналду нима демоқчи эканлигини тушунишди. Улар уни нотўғри деб айта олмайдилар.
Криштиану Аморимни билади, лекин менимча, Рубен Роналдуни фақат дўстлиги учун сотиб олади деб ўйламайман. Агар у Криштиану ёрдам беришига ишонсагина имзо чекарди. Агар қайтиб келиш имконияти бўлса, ишончим комилки, Роналду буни амалга оширишдан ва клубга ёрдам беришдан хурсанд бўларди. У қийинчиликларни яхши кўради. Агар имконият бўлса, у келади", - деди Саа.
