"Тоттенхэм" марказий ҳимоячиси Кристиан Ромеро келаси йили сотилиши мумкин. Аргентиналик футболчига анчадан буён "Реал" қизиқмоқда.

Football Insider хабарига кўра, "Тоттенхэм" агар манфаатдорлар мақбул шартларни таклиф қилса, 26 ёшли футболчини сотиш имкониятини истисно қилмайди. Қолаверса, "шпорлар" муҳим футболчи билан хайрлашишдан олдин муносиб ўринбосар топишга умид қилмоқда.

Кристиан Ромеронинг тахминий баҳоси 65 миллион еврони ташкил қилади. Ҳимоячининг Лондон клуби билан шартномаси 2027 йилнинг ёзига қадар мўлжалланган.