Хавьер Маскерано Херардо Мартинонинг ўрнига "Интер Майами" бош мураббийи бўлиши мумкин. Хабар қилинишича, жамоанинг ҳозирги бошқарувчиси истеъфога чиқишга қарор қилган.
Мартино ўрнига номзодлар орасида яна бир аргентиналик Хавьер Маскерано кўриб чиқилмоқда. 40 ёшли мутахассис ҳозирда Аргентина ёшлар терма жамоасини бошқармоқда, унинг амалдаги шартномаси декабрь ойи охирида якунига етади.
Маскерано футболчи сифатида “Барселона” ва Аргентина терма жамоасида “Интер Майами” ҳужумининг амалдаги етакчиси Лионель Месси билан бирга ўйнаган.
