"Барселона" ва Польша терма жамоаси ҳужумчиси Роберт Левандовски қачон профессионал фаолиятини якунламоқчи эканлигини айтди.
Форвард ёшини ҳисобга олиб, 2-3 йил ичида фаолиятини якунлашини ва у учун биринчи сигнал уйғониб, машғулотларга боришни истамаганида бўлишини қайд этди.
"Ҳозиргача мен ҳар куни эрталаб ҳеч қандай оғриқ сезмасдан уйғонаман. Умид қиламанки, бу давом этади", - деди Левандовски Forbes билан суҳбатда.
Эслатиб ўтамиз, 36 ёшли футболчининг Каталония клуби билан шартномаси 2026 йилнинг ёзига қадар амалда бўлиб, уни яна бир мавсумга узайтириш мумкин.
