Украина терма жамоаси бош мураббийи Сергей Ребров Миллатлар лигаси гуруҳ босқичи сўнгги туридан ўрин олган Албанияга қарши ўйин ҳақидаги таассуротлари билан ўртоқлашди. “Сариқ-кўклар” меҳмонда 2:1 ҳисобида зафар қучди.
"Бизда қийин гуруҳ бор эди. Барча иштирокчилар яқинда Европа чемпионатида ўйнашди. Футболчиларга плей-оффга чиққани учун раҳмат айтмоқчиман. Буни қилиш осон эмас эди. Ғалабали ҳисобни сақлаб қолганимиз яхши", - дейди мураббий.
Украина терма жамоаси квартетда иккинчи ўринни эгаллади. Ребров шогирдлари олти турдан сўнг саккиз очко жамғарди.
