Ўзбекистон терма жамоаси ва Таиланднинг “Патум Юнайтед” клуби ҳужумчиси Игор Сергеев 10 ойлик танаффусдан сўнг қайдномага киритилди.
“Патум Юнайтед” 20 ноябрь куни Таиланд кубоги доирасида “Тай Порт”ни 2:1 ҳисобида мағлуб этди. Мазкур учрашувда Сергеев майдонга тушмади.
Сергеев январь ойида Осиё Кубоги гуруҳ босқичи 3-туридан ўрин олган Ўзбекистон – Австралия баҳсида жароҳат олган эди.
Кейинроқ у Доҳадаги “Аспетар” шифохонасида муваффақиятли операция қилинди. Футболчи 6 ой давомида жароҳатини даволаши айтилганди.
