Пол Скоулзнинг фикрича, Харри Кейннинг Англия терма жамоасидаги фаолияти якунига яқинлашмоқда.
Миллий жамоа сардори ноябрь ойидаги халқаро танаффус пайтида Миллатлар лигаси ўйинларида иштирок этди.
"Бу Харри Кейннинг фаолияти тугаётганига ёки тугаш арафасида эканига ўхшарди. У жамоада ўзини ноқулай ҳис қилаётгандек кўринарди.
Ёшингиз улғайгани сари, атрофингиздаги воқеалар бироз тезроқ кечаётганини сезасиз, бу ҳолат айнан шундай эди. Аммо уни ким билан алмаштириш мумкинлигини билмайман," - деди "Манчестер Юнайтед"нинг собиқ футболчиси "Stick to Football" подкастида.
Рой Кин бунга жавобан Кейн атиги 31 ёшда эканлигини таъкидлади, бироқ Скоулз Алан Ширер айнан шу ёшда Англия терма жамоасини тарк этганини эслатиб ўтди.
