"Барселона" шанба куни "Сельта"га қарши сафарда Ла Лига ўйинини ўтказади. Аввал тахмин қилинганидек, Ламин Ямал беллашувда иштирок эта олмайди - у тўпиғидан олган жароҳатидан кейин тикланишда давом этмоқда, деб хабар берди RAC1. Бундан ташқари, 17 ёшли вингернинг сешанба куни бўлиб ўтадиган Чемпионлар лигасида "Брест"га қарши учрашувидаги иштироки ҳам савол остида. Гави эса ўтган йилдан бери илк бор асосий таркибга киришга тайёр. Ваҳоланки, ҳавбек ҳали 90 дақиқанинг барчасини ўйнашга қодир эмас.
Эслатиб ўтамиз, Ламин Ямал шу ойнинг бошида жароҳат олганди. У "Реал Сосьедад" билан ўйинни ўтказиб юборди ва Испания терма жамоасига бормади.
