"Манчестер Сити" ярим ҳимоячиси Родри Эрнандес жароҳатидан фориғ бўлгани ҳақида гапирди.
Сентябрь ойи охирида испаниялик футболчи хочсимон пайлари билан боғлиқ жароҳати туфайли сафдан чиққан эди.
Футболчининг қайтиши келаси ёзга мўлжалланган.
"Мен бу вазиятга ижобий томондан қарашга ҳаракат қиламан. Бу менга дам олиш ва куч олиш имконини беради.
Кўп йиллар давомида жуда шиддатли ўйнадим. Охир-оқибат, бундай стрессдан кейин бу мавсум мен учун қандай ўтганини билмайман.
Менинг танам бунга бардош бера оладими, билмайман. Мен ҳамма нарсани қандай бўлса, шундай қабул қилишга, оптимист бўлишга ва яхши ҳолатда сафга қайтиш учун ҳамма нарсани қилишга ҳаракат қиламан.
Бу менинг мақсадим. Олдинги даражамга қайтаманми? Ростини айтсам, мен бундан унчалик ташвишланмайман.
Мен жисмонан соғлом қайтишни истайман, қолгани эса вақт масаласидир", - дея Родрининг сўзларини келтиради City Xtra.
