Антонио Кассано ўз сўзидан қайтадиганлардан эмас. Италиялик собиқ футболчи мунтазам равишда футбол ҳақида ўз фикрини билдиради. Пайшанба куни эса у Клаудио Раньерининг "Рома" мураббийлик лавозимига қайтиши ҳақидаги таассуротлари билан ўртоқлашди.

"Менимча, Фридкинлар оиласи яна бир хатога йўл қўйди. Римдаги муҳит заҳарланганини кўриб, биз ҳаммани тинчитадиган одамни олиб келамиз деб ўйлашди. Бу жирканч иш. Раньерига ҳурмат билан айтаман, у чинакам олижаноб инсон, у хотиржамлик ва тинчлик олиб келади, лекин "Рома"га кўпроқ нарса керак, халқаро тажрибага эга мураббий керак. Бу жирканч иш, Фридкин тушунтиринг менга, бу қандай ифлос ўйин? Одамларни ишонтириш учунми? Чунки мен аҳмоқ эмасман, биламанки, баъзилар Раньерининг қайтиб келишидан хурсанд бўлишади, аммо келаси йили клуб етакчиси бўлиши мумкин бўлган одамни олиб келиш жирканчдир", - деди Антонио Кассано Foot Mercato билан суҳбатда.

Эслатиб ўтамиз, Клаудио Раньери "Рома"даги янги мураббийлик фаолиятини 24 ноябрь куни "Наполи"га қарши сафар ўйинидан бошлайди.