Миллатлар лигасининг плей-офф босқичи учун жуфтликлар аниқланди.
Бугун УЕФАнинг Ньон шаҳридаги қароргоҳида А ва Б лигалари ўртасидаги плей-офф босқичига қуръа ташлаш маросими бўлиб ўтди.
А лигаси гуруҳларида учинчи ва Б лигаси гуруҳларида иккинчи ўринни эгаллаган саккизта жамоа юқори лигага чиқиш учун курашади.
Жуфтликлар қуйидагича тузилган:
Украина – Бельгия;
Австрия – Сербия;
Туркия – Венгрия;
Греция – Шотландия.
Ҳар бир ўйин 2025 йилнинг 20 ва 23 март кунлари бўлиб ўтадиган иккита учрашувдан иборат. Ғолиблар кейинги мавсум УЕФА Миллатлар лигасида А лигасида иштирок этади.
