“Интер Майами” клуби эгаси Хорхе Маснинг фикрича, Флорида клуби юлдузи Лионель Месси 2026 йилгача жамоада қолади.
“2026-йилда янги стадионимиз очилганда, Лионель Месси жамоамизнинг асосий фигураси бўлади, деб умид қиламан”, - дея ижтимоий тармоқда Маснинг сўзларини келтирган журналист Бен Жейкобс.
Эслатиб ўтамиз, жорий МЛС мавсумида “Интер Майами” 74 очко жамғариб, Шарқий зонанинг бу галги мавсумида биринчи бўлди.
Бу барча МЛС клублари орасида тўпланган очколар бўйича энг яхши натижадир.
Бироқ плей-оффнинг биринчи босқичида “Интер Майами”ни “Атланта Юнайтед” мағлуб этди.
